Cairtstáisiún don aos óg atá atá i Raidió Rí-Rá, a chasann popcheol agus ceol na gcairteacha ó mhaidin go hoíche, ach le míreanna cainte Gaeilge fite fuaite leis an seinnliosta. An sprioc atá ag an stáisiún ná rogha a chur ar fáil do dhaoine óga an ceol a thaitníonn leo, agus ábhar atá oiriúnach dóibh, a chur ar siúl am ar bith, áit ar bith!

Tá sé mar aidhm ag Rí-Rá ceadúnas náisiúnta FM a bhaint amach le go mbeidh siad le cloisteáil sa gcarr, sa gcistin agus ar an raidió ar fud na hÉireann.

Faoi láthair, tá Raidió Rí-Rá ar fái le cloisteáil 24 uair a chloig in aghaidh an lae ar rrr.ie nó ar aip Raidió Rí-Rá atá ar fáil saor in aisce ar Apple agus ar Android. Tá podchraoltaí de chuid de na cláracha ar fáil ar Spotify, Apple agus ardáin eile freisin – leithéidí Comhscór, podchraoladh spóirt, Seal le Seán, Na GaelGals, Na Seansálaithe, agus neart eile!