Na scéalta is mó ón domhan spóirt gach seachtain!

Sacair: Bruce mar bhainisteoir nua Wolves?

Tar éis do Alan Curbishley é fhéin a tharraingt as an rás, tá Steve Bruce anois mar rogha na ngeallghlacadóirí chun an post bainistíochta ag Wolves a ghlacadh. Tá an cuma ar an scéal go bhfuil bainisteoir Reading, Brian McDermott, san iomaíocht chomh maith. Dhiúltaigh Curbishley an post a ghlacadh tar éis cruinniú leis an CEO Jez Moxey agus an úinéir Steve Morgan, toisc go raibh imní air faoin slí go rabhadar ag iarraidh go reachtáladh sé an club. Chaill Bruce a phost le Sunderland i mí na Samhna ach tá sé ag lorg bealach ar ais isteach anois le Wolves.

Sacair: McClean ar fhoireann na hÉireann

Tá James McClean agus Paul Green tar éis a bheith curtha le scuad na hÉireann don chluiche in aghaidh Poblacht na Seice ag deireadh na míosa. Tar éis cailliúnt amach ar an bhfoireann sa chéad ainmniúchán d’imreoirí, bhí an cuma ar an scéal go raibh Giovanni Trappatoni chun fanacht leis na himreoirí céanna a bhuaigh an cáilíocht go dtí Euro 2012 an samhradh seo. Ach, tar éis sraith de taispeántais iontacha le Sunderland, ceithre cúl ina measc, tá ceann Trappatoni tar éis casadh  i dtreo an lad óg ó Doire. Beidh Paul Green ag buaichaint a naoiú caipín má imríonn sé in aghaidh na Seice.

Dornálaíocht: Téarmaí príosúin do Chisora agus Haye?

Tá seans ann go mbaidh téarmaí príosúin i ndann do Dreck Chisora agus David Haye, an bheirt dornálaithe a thosaigh troid i rith agallaimh i ndiaidh gur chaill Chisora in aghaidh Vitali Klitschko i babhta don teideal domhanda. Tá an bheirt Sasanach le dul os comhair Bhord Dornálaíochta na Breataine. Beidh Chisora os a gcomhair ar an 14ú Márta agus tá sé ú ag breathn ar fhíneál trom agus suas le bliain amach as an spórt. Chomh maith le sin, toisc go bhfuil dhá chiontú aige cheana féin, tá seans ann  go rachaidh sé go príosún, agus Haye in éineacht leis chomh maith.

Rugbaí: Sexton réidh do na hIodálaigh

Beidh Jonny Sexton saor ó ghortú don chluiche in aghaidh na hIodáile ag Bóthar Lansdúin ar an Sathairn. Bhí gortú beag aige roimh an gcluiche in aghaidh na Fraince, ach deir sé munar cuireadh an cluiche ar athló, go mbeadh sé ag imirt i bPárás an oíche úd. Bhí Ronan O’Gara ar an imeall chun a áit a thógáil don Satharn, agus Paddy Wallace le teacht isteach ar an mbínse, ach d’fhógair Sexton go bhfuil sé aiclí agus réidh do na hIodálaigh. Tá an cuma ar an scéal go n-imreoidh Declan Kidney an fhoireann céanna a roghnaigh sé don chluiche i bPárás.

Cruicéad: Éire ag barr an ghrúpa cáilíochta

Tá Éire ag suí ar bharr an ghrúpa cáilíochta don Chorn Domhanda Cruicéid tar éis bua maith ar Chéinia i Mombasa. D’éirigh le Ed Joyce, a d’imir le Sasana tráth dá raibh, innings de 88 a fháil a chur Éire ar an mbóthar go dtí bua de 117 rith. Ciallaíonn sé seo go bhfuil Éire tar éis 5 cluiche a bhuaichaint as 6 go dtí seo sa bhfeachtas cáilíochta, leis an t-aon chluiche caillte in aghaidh Chéinia ar an Satharn. Mar sin, ba dhíoltas a bhí sa taispeántas láidir a chuir Éire isteach ar an Luan. Tá Éire dhá phointe chun tosaigh ar an Albain a dara háit.

Lean an t-aicsin spóirt go léir anseo ag www.rrr.ie nó trí fheidhmchlár Raidíó Rí-Rá a íoslódáil ag www.rrr.ie/iphone