Hi agus fáilte go PopNuacht Raidió Rí-Rá anseo ar RRR.ie!

Tá 30 bliain de ghradaim na mBrits á gceiliúradh i mbliana agus is cosúil go bhfuil na cailíní ag glacadh seilbhe ar an seó! I measc na n-ainmniúchán i rannóg na mban, tá Lily Allen, Pixie Lott, Florence and The Machine agus Lady Gaga san iomaíocht do ghradam. Beidh na crúibe amach acu! Is iad Lily agus Pixie a bheas ag dul in adharca le Florence don ghradam don bhean Bhriotanach is fearr ag ceol in 2009 mar shampla. Tá na cailíní ainmnithe do slam gradam eile freisin, ach bheimis anseo ar feadh an lae dá rachaimid tríothu uilig inniu! An rud is tábhachtaí le luaigh ná go mbeidh Lady Gaga féin, JLS agus an rac-grúpa is fearr ar domhan, Kasabian, ag casadh ar an oíche. Agus, tá sé cloiste againn go bhfuil an dísreach…suimiúil…Florence and The Machine agus Dizzee Rascal chun amhrán a chanadh le chéile freisin! Is cinnte go mbeidh spraoi agus siamsa go leor ag an ócáid ar aon nós…

It all about the ladies at this year’s Brit Awards! With Lilly Allen, Pixie Lott, Florence and the Machine and Lady Gaga all nominated for awards in numerous categories, they are sure to steal the show. Girl Power!!

An bhfuil éinne eile chomh tógtha céanna leis an tsraith Mheiriceánach nua, Glee, agus atá muidne anseo i bPopNuacht? Tá dea-scéala againn daoibh má tá! Tá sé cloiste againn anseo i Raidió Rí-Rá go mbeidh an t-amhránaí álainn Jennifer Lopez le feiceáil ar an gclár. Tá Brad Falchuk, léiritheoir an tseó, tar éis ráiteas a eisiúint ag rá go bhfuil na ráflaí fíor agus go bhfuil caimeo J-Lo á phlé acu faoi láthair. Tá siad ag smaoineamh go mbeidh páirt ag Lopez sa tsraith mar fhreastalaí dinnéir…le heangach ghruaige agus gach rud..an-ghnéasach Jennifer! Ach ní hí J-Lo an t-aon réalt mór a bheas ar an gclár de réir dealraimh: beidh gliondar croí ar na Gleeks ar fad a chloisteáil go bhfuil léiritheoirí ag iarraidh Bruce Springsteen agus Justin Timberlake a fháil ar an gclár chomh maith! Is cosúil gur leantóir mór den seó é Bruce ach níl a fhios againn faoi Justin…

Listen up Gleeks! Rumour has it that the bootilicious J-Lo might be appearing on Glee as an all-singing, all-dancing dinner-lady! Could there be a hair-net trend coming our way?!

Tá Richard Ashcroft díreach tar éis a shingil nua, Are You Ready?, a eisiúint. Tá aithne againn ar Richard mar amhránaí le ceann de na bannaí is cáiliúla ó na ‘90idí, The Verve. Is iad Bitter Sweet Symphony agus The Drugs Don’t Work an dá amhrán is mó cáile a chan siad agus is breá linn anseo i Raidió Rí-Rá iad go fóill! Scar an banna ó chéile don chéad uair sa bhliain 1999, ach chuaigh siad i mbun ceoil le chéile arís sa bhliain 2007 le camchuairt amháin eile a dhéanamh. Chas an banna ag féilte dá leithéid Glastonbury agus Oxegen i gcaitheamh na mblianta ach scar an banna ó chéile arís i 2008. Ach ní drochscéal amach ‘s amach atá ann; tá Ashcroft ag obair ar thionscadal aonréadach darbh ainm United Nations of Sound anois. D’oibrigh Richard ar an albam le No I.D., léiritheoir ó Chicago a d’oibrigh le hamhránaithe ar nós Kanye West agus Jay-Z san am atá caite. Tá sé cloiste againn go bhfuil Richard lena albam nua a eisiúint ar an 27 Márta agus tá súil againn go mbeidh sé ag dul ar camchuairt leis. Tá Raidió Rí-Rá ag tabhairt cuireadh duit teacht chomh fada le hÉirinn a Risteáird, is breá linn tú!

Ex-front man for The Verve, Richard Ashcroft, is releasing a solo-single called Are You Ready? Yeah we are Richard!!

Tá sé cloiste againn anseo i Raidió Rí-Rá go bhfuil Taylor Swift chun a hamhrán nua, Today Was A Fairytale, a chasadh ag Gradaim na nGrammys níos déanaí i mbliana. Rinne an t-amhránaí galánta taifead ar an tsingil nua le cur ar fhuaimrian an ghrinnscannáin rómánsúil nua, Valentine’s Day. Tá Taylor Swift le feiceáil ag aisteoireacht sa scannán le Taylor Lautner, a grá geal agus go deimhin, ár ngrá geal anseo i Rí-Rá! Is cosúil go bhfuil páirt ag gach réalt mór i Hollywood sa scannán seo freisin, Julia Robberts, Ashton Kutcher, Anne Hathaway, Jessica Alba agus Queen Latifa ina measc. Beidh an fuaimrian le ceannach sna siopaí anseo ar an 9 Feabhra - díreach in am do Lá Fhéile Vailintín! Tá amhráin ó Maroon 5, Joss Stone agus fiú Amy Winehouse le cloisteáil air, agus táimid go léir anseo i bPopNuacht ag tnúth go mór leis an scannán agus an gceol!

Taylor Swift is set to perform her new single Today Was A Fairytale at the 2010 Grammys. Woop!

Tá na buachaillí ó Boyzone ar ais le singil nua darbh ainm Gave It All Away agus tá an físeán don tsingil díreach críochnaithe acu. Feictear an ceathrar amhránaí sa bhfíseán - Ronan, Keith, Mikey agus Shane – agus iad ag smaoineamh ar agus ag caint faoi Stephen Gately. Fuair Stephen bás go tobann i mí Dheireadh Fómhair na bliana seo caite agus é ar saoire i Mallarca. Dúirt an ceathrar acu go raibh taifead an fhíseáin an-bhrónach agus gur mhothaigh siad a gcara go mór uathu. Bhí an banna i gcónaí an-mhór le chéile, ar nós clainne bige, agus bhí Stephen cosúil le dearthár acu. Chum an t-amhránaí Mika an traic agus beidh sé le cloisteáil ar albam nua na mbuachaillí, dar teideal Brother, a bheas á eisiúint ar an 8 Márta.  Tá Ronan chun an singil nua Gave It All Away a chasadh don chéad uair ar a seó raidió nua ar an stáisiún raidió Magic 105.4 i Londain. Agus ansin, beidh sé againn daoibhse anseo ar RRR.ie dar ndóigh!

Boyzone are releasing a new song Gave It All Away in memory of their beloved band-brother Stephen Gately in March.

Éist leis an bpopnuacht seo mar Audio MP3 nó íoschóipeáil anseo é
Listen to this popgossip as an Audio MP3 or download it here