Táimidne anseo i Rí-Rá Spórt i gcónaí ag iarraidh níos mó eolas a chur ar fáíl níos furasta daoibh. Chuige sin táimid anois le fáil ar facebook agus twitter.

Má tá sibh ag baint úsáide as ceachtar den dá seirbhís seo is féidir ceangailt a dhéanamh linn agus na scéalta spóirt is déanaí a leanúint.

Más ar facebook atá sibh gabh chuig facebook.com/rirasport chun cairdeas a dhéanamh linn; agus más ar twitter atá sibh is féidir libh teacht orainn tré dul go twitter.com/rirasport

Tá súil againn sibh a fheiscint go luath!

Now you can keep up with Rí-Rá Spórt on facebook and twitter @ facebook.com/rirasport and twitter.com/rirasport

Cuir cluas leis an spórt anseo ar Audio MP3 & tá tuilleadh le léamh ar an gcinn lae!
Read these sports’ stories & more at our blog while listening to our Audio MP3 below!

Tá X-Factor ar ais ar an scáileán beag arís don bhfómhar agus tá an chonspóid tosaithe cheana féin! Bhí raic ann nuair a bhain lucht léirithe an chláir leas as teicneolaíocht dar teideal Auto-Tune ar an seó teilifíse réaltachta. Déanann an teicneolaíocht pleidhcíocht le guthanna na rannpháirtithe, ag athrú na fuaime go huathoibríoch ionas go mbíonn amhránaíocht níos fearr le cloisteáil ag an lucht féachana – nó níos measa, ag brath ar an duine atá ag canadh agus cé atá i gceannas ar an teicneolaíocht! Duine amháin nach raibh Auto-Tune ar bith de dhíth uaidh áfach, ná Joe McElderry, buaiteoir na bliana seo caite. Tá an réalta óg ó Essex ar tí an chéad albam dá chuid a eisiúint ach tá an fear bocht cráite ag leantóirí fiáine cheana féin. Dúirt sé go bhfuil 3 mhata tairsí goidte ó dhoras a thí go dtí seo agus gur beag nár thacht an slua é nuair a bhí muintir X-Factor 2009 ar camchuairt i mBéal Feirste!

X-Factor is back and the controversy has already begun! This time it’s all about the Auto-Tuning…

Tá sé cloiste againn anseo i Raidió Rí-Ra go bhfuil cúntóir pearsanta á lorg ag J-Lo! Thuigeamar i gcónaí go raibh saol galánta lán le cóisirí, bronnta gradam agus coirmeacha ceoil ag Lopez, ach tá cabhair ag teastáil uaithi anois chun ord agus eagar a chur ar chúrsaí ó lá go lá de réir cosúlachta. Obair 6 lá in aghaidh na seachtaine a bheadh i gceist agus deirtear go mbeidh ar an gcúntóir nua a bheith ar fáil le taisteal go tíortha iasachta i dteannta J-Lo gan choinne. Ní bheadh aon fhadhb againn leis an méid sin! Cé go bhfuil clú ar Jennifer as a bheith ina diva ó am go ham, agus an-seans go mbeidh an cúntóir pearsanta s’aici faoi bhrú lena chinntiú go bhfuil gach rud de shíor mar is mian le banríon an R’n’B, tá buntáistí móra ag baint leis an bpost. Íocfar idir $55,000 agus $65,000 thú in aghaidh na bliana – agus beidh deis agat páirt a ghlacadh i saol snasta J-Lo dar ndóigh!

J-Lo is on the look-out for a new personal assistant. Fabulously swanky lifestyle change, anyone?!

B’fhéidir go bhfuil an Wizarding World of Harry Potter ina ní spéise ag Universal Studios in Orlando, ach beidh an stiúideo féin inar deineadh na scannáin cháiliúla a thaifead ina pháirc siamsaíochta théama i Londain go luath. Thug an t-aisteoir Rupert Grint – nó Ron Weasley mar is fearr aithne air – le fios le déanaí go mbeidh an Leavesden Studio ar oscailt don phobal amach anseo. Anois go bhfuil taifead críochnaithe ar an tsraith iomlán de na scannáin Harry Potter, beidh lucht leanúna Potter in ann turas treoraithe a ghlacadh de na seiteanna agus amharc ar na nótaí gur scríobh na haisteoirí ar na ballaí fiú! Ach beidh rud nó dhó in easnamh ón seit, más fíor do scéalta Rupert. Dúirt sé gur sciob sé an uimhir a 4 chlúiteach a bhí ar crochadh ar dhoras 4 Privet Drive sna scannáin, agus bheadh ceann de na huibheacha móra órga ó na dragain sa scannán Goblet of Fire imithe freisin, murach gur gabhadh é á goideadh agus go raibh ar Rupert í a chur ar ais!

The London sets where the Harry Potter films were shot will be open to fans soon, but actor Rupert Grint has already been pilfering some mementos!

Tá sé cloiste againn anseo i bPopNuacht go raibh am iontach ag Alexandra Burke agus í san ardchathair le déanaí! Tháinig Alex agus N-Dubz go Baile Átha Cliath chun gig a chasadh do na mic léinn ar fad a bhfuair a gcuid torthaí Ardteiste níos luaithe an mhí seo, agus ba léir go raibh oíche ar dóigh acu. Bhí an fhéile Summer Blowout in ainm ‘s a bheith ar siúl faoin aer ag an stad i nDomhnach Broc oíche Chéadaoin, ach bhí ar eagraithe na féile í a bhogadh chuig an gclub oíche Dandelion i lár na cathrach, toisc nach mbeadh an pháirc imeartha réidh don chluiche rugbaí a bhí ar siúl an deireadh seachtaine ina dhiaidh. Níor chuir sin srian leis an spraoi ná le scoth an cheoil áfach! Ní hamháin sin ach chas Alexandra mar chuid den bhféile aerach Milk ag Caisleán Bhaile an Locha i gCo. na hIarmhí fad agus a bhí sí in Éirinn freisin. Measann muidne i Raidió Rí-Rá go mbeidh sí ar ais inár measc gan mhoill tar éis an oiread sin craice a bheith aici anseo!

Alexandra Burke had a ball in Ireland when she came to play the Summer Blowout festival in Dublin and the open air gay Milk festival in Westmeath recently. Come back soon Ms Burke!

Sna sála ar cheolchoirmeacha iontacha a chasadh ag an gCorn Domhanda, Glastonbury agus an iliomad gig Eorpach dá leithéid Rock in Rio agus eile i gcaitheamh an tsamhraidh, tá Shakira ag dul ar camchuairt ar fud na hEorpa an geimhreadh seo. Cuirfidh sí tús leis an Tour Of Earthly Delights i Lyon na Fraince ar an 16 Samhain, agus beidh bean na gcromán san O2 i mBaile Átha Cliath ar an 16 Nollaig agus san Odyssey Arena i mBéal Feirste an oíche dar gcionn. Ní gnáthghig atá beartaithe aici dúinn áfach; deirtear go bhfuil Shakira ag obair i gcomhar leis an stiúrthóir amharclainne Felix Barrett chun camchuairt idirghníomhach a chruthú an uair seo, áit go mbeidh deis ag a lucht leanúna fálróid thart faoin stáitse agus í ag casadh de réir dealraimh!

Hip-shaking sensation Shakira will be getting up close and personal with her fans onstage during her winter tour of Europe!

Éist leis an bpopnuacht seo mar Audio MP3 nó íoschóipeáil anseo é
Listen to this popgossip as an Audio MP3 or download it here

Comórtas aisteach a bhí ann go dtí seo sa pheil – agus tá dhá chluiche amach romhainn go fóill. Is ar éigin go raibh am ar bith le linn an céad caoga nóiméid den gcluiche inné go ndéarfadh duine – go dáiríre – go dtógfadh Corcaigh an bua leo. Ach nuair a tugadh cic pionóis do fhoireann Chorcaí d’aimsigh an slua ón deisceart a nguth athuair. Don gcluiche ar fad go dtí an pointe sin is iad an foireann sa ghorm a bhí i gceannas go hiomlán.

Leag cúl luath sa chéad nóiméad an luas do mhuintir Átha Cliath, ó shin i leith lean siad orthu le neart agus muinín nach bhfaigheadh Corcaigh a bhriseadh, ná aithris a dhéanamh ar ach oiread . D’éirigh le Corcaigh an liathróid a ghlacadh óna cúl féin go lár na páirce gan stró ach ansin bhí deacrachtaí de shíor acu líne leath-cúil a sharú, agus am ar bith a tháinig Corcaigh taobh ná in aice le cúl Átha Cliath bhí slua cúlaithe ann bac a chur leo.

Ní raibh an fhadhb céanna ag foireann Átha Cliath ag an taobh eile den bpáirc áfach. Is minic, le linn an céad leath ach go háirithe, a bhrú Áth Cliath i gcoinne cúl Chorcaí, agus ganntanas millteach cúlaithe ann.

B’fhéidir an cúis iontais is mó a bhí ann ag deireadh an céad leath nach raibh Baile Átha Cliath níos faide chun tosaigh.

Ag tús an dara leath bhí níos mó den rud céanna ann. Ghlac Áth Cliath an céad scór agus lean siad an plean céanna a bhí acu sa chéad leath – ag scaoileadh le Corcaigh teacht thart ar lár na páirce agus ceannas na liathróide a ghlacadh ansin agus síos leo arís. Bhí lag-misneach ar leanúnaithe Chorcaí ag an bpointe i gcomparáid le muintir Átha Cliath a bhraith go raibh siad cóngarach don gcraobh a bhí éalaithe uathu le fada an lá. Laistigh den bhfiche nóiméid deireanach glacann Ross McConnell, Colm O’Neill as an imirt sa chearnóg. Faigheann Corcaigh cic pionóis atá seolta abhaile ag Donnacha O’Connor. Pointe amháin eatarthu.

Leanann Baile Átha Cliath orthu áfach, agus sár i bhfad tá siad 3 phointe chun tosaigh arís. I dtreo deireadh an chluiche áfach léirigh Corcaigh neart intinne agus creideamh iontu féin nach raibh ró-shoiléir roimh sin uathu. Seasca-hocht nóiméid agus tá na foirne cothrom don gcéad uair sa chluiche, agus i gceann nóiméid eile, Áth Cliath pointe taobh thiar.

Le linn an trí nóiméid breise chiall foireann Átha Cliath a gcuid smacht, agus an frustrachas ag sní isteach. Cúpla liathróid amaideach curtha leathan – agus nuair a shéid an feadóg deireanach is Corcaigh a bhí ar an slí go Craobh na hÉireann. Ar feadh i bhfad bhí cuma ann nach mar sin a ghabhadh sé, ach anois i gceann ceithre sheachtain beidh deis eile ag Corcaigh a gcéad comórtas peile le fiche bliain a ghlacadh. Is cinnte áfach go mbeidh tuairim ag Cill Dara agus an Dún faoi sin áfach – gheobhaimid amach sruth na caibidle sin an Domhnach seo chugainn.

Cork’s red rebels steal Dublin’s thunder by a single point last Sunday.

Is féidir éisteacht le gach scéal anseo ar Audio MP3 & iad a léamh ag PopNuacht!
Read these stories and more at PopNuacht while listening to our Audio MP3 below!

Beidh gliondar croí ar na Biebettes ar fud na cruinne a chloisteáil go bhfuil Justin Bieber deimhnithe le casadh ag gradaim fhíseán MTV i mbliana! Tá Justin ainmnithe don ghradam don cheoltóir nua is fearr ag an mbronnadh ar an 12 Meán Fómhair agus tá an fear óg iontach flosctha faoin ócáid. Ba é gradaim na bliana seo caite an chéad uair do Justin freastal ar an searmanas MTV mór le rá, agus dúirt sé le déanaí nach raibh aithne ag éinne air an uair sin! Ní amhlaidh an scéal anois áfach; tá sé tar éis na milliúin cheirníní a dhíol ar fud an domhain le bliain anuas agus ba é an chéad cheoltóir nua riamh gur éirigh leis 7 n-amhrán óna chéad albam a chur sa bharr 100 i gcairteacha Mheiriceá. Ní féidir linn fanacht len’é a fheiceáil ar stáitse in LA an mhí seo chugainn!

Biebettes, beware! Justin is set to hit the MTV stage for this year’s Video Music Awards in LA in September.

Tá sé cloiste againn anseo i Raidió Rí-Ra go bhfuil Miley Cyrus chun a cuid éadaí a dhíol ar eBay! Tá an t-amhránaí ag reáchtáil ceant chun airgead a bhailiú don charthanacht Get Ur Good On ag deireadh na míosa seo. Mar sin, más mian leat éadaí an réalta óig a cheannach ar chúis mhaith, bíodh do chárta creidmheasa le lámh agat! Spreagann an charthanacht daoine óga chun obair dheonach a dhéanamh ina bpobal áitiúil féin, agus creideann Miley go láidir sa teachtaireacht atá acu gur chóir éirí gafa le hobair charthanachta sa bhaile aon bhealach gur féidir. Beidh beart de réir a briathair á dhéanamh aici nuair a bheas éadaí agus oiriúintí dá cuid ar díol ar an idirlín go luath. Bristí géine bána, éinne?!

Miley Cyrus is auctioning off her clothes on eBay to raise money for charity.

Tá meas mór ag dul don rapcheoltóir Eminem tar éis dó barr na gcairteacha a bhaint amach i Meiriceá le breis agus 2 mhilliún cóip dá albam Recovery díolta go dtí seo. Ba í Susan Boyle an ceoltóir deireanach le 6 sheachtain a chaitheamh ag barr chart na n-albam sna Stáit Aontaithe leis an albam I Dreamed a Dream anuraidh, ach tá Eminem tagtha sna sála uirthi anois! Is iad Not Afraid agus Love The Way You Lie na singlí is déanaí ón albam atá eisithe ag Eminem agus tá siad le cloisteáil i gcairteacha na hÉireann le seachtainí beaga anuas chomh maith. Canann Rihanna i dteannta Eminem ar an amhrán Love The Way You Lie agus tá na haisteoirí áille Megan Fox agus Dominic Monaghan, de cháil na scannán Lord of the Rings, le feiceáil sa bhfíseán don tsingil. Tá an hobbitín agus Eminem araon ag déanamh go maith dóibh féin na laethanta seo is léir!

Eminem has gone double-platinum with his latest album Recovery topping the American Billboard for 6 weeks now – congrats Mr Marshall Mathers!

Tá sé cloiste againn anseo i bPopNuacht go bhfuil Lady Gaga fós ag cumadh ceoil don tríú albam dá cuid, in ainneoin go ndúirt sí cheana go raibh sí tar éis an ceirnín a chríochnú! Is cosúil nach féidir leis an amhránaí cumasach srian a chur leis an gcumadóireacht agus go bhfuil sí ag scríobh amhrán sa stiúideo go fóill. Tá an t-albam le heisiúint an bhliain seo chugainn ach ceapann Gaga go mb’fhéidir go mbeidh uirthi 2 albam a eisiúint mura stopann sí den scríobh! Tá an léiritheoir clúiteach RedOne ag obair léi arís ar an albam seo agus creideann sé go mbainfidh an saothar nua geit as lucht leanúna Lady Gaga. An gcuireann sin ionadh ar éinne?! Tá cáil ar an mbean chraiceáilte as amhráin den scoth agus físeáin chonspóideacha a chur os ár gcomhair agus leis an bhfírinne a rá, táimid i Raidió Rí-Rá ag súil go mór leis!

There seems to be no end to Lady Gaga’s inspired song-writing for her upcoming third album!

Má tá do thriail ar an tSráidbhaile, Co. Laoise don Phicnic Leictreach ag tús na míosa seo chugainn, ní hiad na ceoltóirí an t-aon rud iontach a fheicfidh tú de réir dealraimh! Chomh maith le scoth an cheoil óna leithéid de na Frames, Mumford and Sons, Hot Chip, Imelda May, Modest Mouse agus Massive Attack, beidh sorcas, An Puball Gaeilge, fir ghrinn, lón anama agus cogaíocht phéint i measc go leor leor eile ar siúl freisin. An rud is ansa linn i mbliana áfach ná an rothaíocht ar fad. Ní hamháin go bhfuil ticéad in aisce le fáil ag éinne a rothaíonn go Laois ar son ospidéal na bpáistí ar Shráid an Teampaill, ach má tá cith uait, beidh 30 duine ag rothaíocht leo chun an chumhacht don chith a ghiniúint duit! Cé dúirt nach bhféadfaí spraoi inbhuanaithe a bheith againn?!

Forget the fab music and alternative tents, it’s all about sustainability and cycling at this year’s Electric Picnic!

Éist leis an bpopnuacht seo mar Audio MP3 nó íoschóipeáil anseo é
Listen to this popgossip as an Audio MP3 or download it here

Cuir cluas leis an spórt anseo ar Audio MP3 & tá tuilleadh le léamh ar an gcinn lae!
Read these sports’ stories & more at our blog while listening to our Audio MP3 below!

Is féidir éisteacht le gach scéal anseo ar Audio MP3 & iad a léamh ag PopNuacht!
Read these stories and more at PopNuacht while listening to our Audio MP3 below!

Níl amhras ar bith ann ach go bhfuil rudaí ag dul go han-mhaith ar fad i saol Robbie Williams i láthair na huaire. Cé go raibh ráflaí agus siosarnaí ann le fada an lá go raibh Robbie ag obair i dteannta Take That arís, deimhníodh é le déanaí go bhfuil banna na mbuachaillí ar ais le chéile go hoifigiúil anois! Tá Robbie agus na leaids tar éis taifead a dhéanamh d’albam nua, agus tá súil acu é a sheoladh roimh dheireadh na bliana seo. Ní hamháin sin ach phós Robbie an bhean álainn s’aige - an t-aisteoir Turcach-Meiriceánach Ayda Field – ag bainis bheag an tseachtain seo caite. Phós siad sa ghairdín ag cúl an tí atá acu i mBeverly Hills ach seachas finnéithe a bheith ag ceachtar acu, sheas a gcuid madraí leo ag an searmanas! Dúirt athair Robbie nach bhfaca sé a mhac chomh sona riamh roimhe seo. Aww!

We wish Robbie Williams a long and happy life with his new wife Ayda Field, but also with his reunited boy band Take That too – nice to see ye back for good lads!

Tá sé cloiste againn anseo i Raidió Rí-Ra go bhfuil Britney Spears tar éis tréimhse bheag a chaitheamh i nGaeltacht na nOileán Árainn! Bhuel, níl sin go hiomlán cruinn - is cosúil go ndeachaigh an t-amhránaí cáiliúil agus a buachaill cara Jason Trawick chun an dráma The Lieutenant of Inishmore le Martin McDonagh a fheiceáil an tseachtain seo caite. Meas tú ar fhoghlaim sí mórán Gaeilge san amharclann in LA?! Thapaigh Britney an deis deiridh chun beagán de chultúr na hÉireann a bhlaiseadh sular tháinig críoch le léiriú an dráma i Los Angeles ag an deireadh seachtaine. Baineann an scéal leis na cúinsí taobh thiar de bhás chat sceimhlitheora áfach – sin greann na Gaeltachta daoibh a chairde! Tá súil againn nár scanraigh an dráma dorcha an bhean bhocht ná a buachaill, agus cá bhfios? B’fhéidir go mbeidh sí fiosrach chun turas a thabhairt ar na fíor-Oileáin Árann amach anseo!

Britney Spears was spirited away to Galway when her boyfriend took her to see Martin McDonagh’s drama, The Lieutenant of Inishmore, in LA last week. But will she come visit the real deal?!

De réir dealraimh, ní hé T.I. amháin atá ar bhóthar a leasa ó scaoileadh saor ón bpríosún é níos luaithe i mbliana. Bhí an rapcheoltóir clúiteach agus Kanye West ag obair as lámha a chéile ar albam úr T.I. le déanaí, agus tá 6 amhrán nua cumtha acu le chéile. Bhí an bheirt ag obair ar an albam dar teideal King Uncaged ar oileán Hawaii le tamall anuas, agus deir T.I. go bhfuil tallann agus fuinneamh do-chreidte ag Kanye sa stiúideo. Ach ní leor aon amhránaí iontach amháin d’albam úr T.I.! Beidh Lady Gaga le cloisteáil ag canadh ina theannta ar cheann de na hamhráin freisin de réir cosúlachta, chomh maith le réalta an cheoil tíre, Kid Rock, agus tá sé beartaithe aige dul i mbun oibre le Eminem go luath leis. Ní féidir linn fanacht le cluas a chur leis an albam iontach seo, sin cinnte!

T.I. is back with a bang! His first album since being released from prison will feature 6 tracks with Kanye West as well as the talents of Lady Gaga, Kid Rock and Eminem.

Bhí idir bhrón agus áthas orainn anseo i Raidió Rí-Rá a chloisteáil go bhfuil Lily Allen ag glacadh sos gairme ón gceol – táimid áthasach toisc go bhfuil Lily ag súil le leanbh, agus brónach toisc go mbeimid uaigneach i ndiaidh scoth an cheoil ón gcailín cumasach, conspóideach seo! Chas Lily ag an bhféile The Chill Festival ar an 8 Lúnasa, ach dheimhnigh sí nach mbeidh sí ag ceol arís ar feadh 5 bliana eile, toisc go bhfuil sí ag súil le leanbh ag tús na bliana seo chugainn. Nach fada an t-achar ama é! Thosaigh Lily ag siúl amach le Sam Cooper, péintéir agus maisitheoir tithe ó Londain, don chéad uair an samhradh seo caite agus tuigtear dúinn go bhfuil an bheirt acu iontach sásta le chéile. Tá siad beirt ag tnúth le breith an linbh nua agus guíonn muidne i bPopNuacht gach rath ar an gclann iomlán amach anseo!

Happy and all as we are for her to be preggers, we’re really gonna miss Ms Lily Allen when she takes her 5-year career break from the wicked world of music…sob!

Is cosúil go bhfuil Danny ó na Coronas tinn le laraingíteas! Bhí na buachaillí in ainm ‘s casadh ag an bhféile cheoil i dTigh Molaige i gCorcaigh ar an 14 Lúnasa, ach tá an fear bocht breoite le tamall anuas agus níl na leaids ag iarraidh dul sa tseans an tseachtain seo, ar eagla go ndéanfadh sé níos mó dochair dá ghlór. Chas an banna ag an bhféile Indiependence i mBaile Mhistéil ag tús na míosa, in ainneoin nach raibh Danny go hiomlán ar fónamh, toisc go raibh orthu an gig céanna a chur ar ceal an bhliain roimhe ar chúiseanna eile. Ach le slam mór gigeanna i ndán dóibh i mí Lúnasa, ag tosú i Maigh Eo ar an 20ú, dúirt an dochtúir le Danny sos a ghlacadh ar feadh tréimhse. Tá an t-albam is déanaí de chuid na Coronas agus na singlí ar fad ó Tony Was An Ex-Con fós le cloisteáil sna cairteacha, agus deirtear linn go bhfuil a gceolchoirm san Olympia ar an 10 Nollaig díolta amach cheana féin. Nach orthu atá an tóir!

The Coronas’ Gaeilgeoir lead-singer is sick with laryngitis and they’ve had to cancel their Timoleague gig in Cork – that sucks! Get well soon Danny boy…

Éist leis an bpopnuacht seo mar Audio MP3 nó íoschóipeáil anseo é
Listen to this popgossip as an Audio MP3 or download it here