Raidió Rí-Rá

The Kanyu Tree – Cosúil Liom Féin

Síne — Wed, 18 Apr 2012 17:06:31 +0000

Fan seo / ná fág,
Níl críoch / leis an lá
Tuigim duit / gur fada ‘ an lae
ach dúrthas leat / ‘s b’shin an scéal

Nuair a ghlacann tú deis,
’S táim á do mheasúnú,
Ag amharc orm féin atáim,
Ón radharc seo síúil

Ó feicim é,
Tá tú cosúil liom féin,
Pictiúir á n-ardú,
Gan (do) línte a thrasnú
Chuig ‘n mol(adh) ‘tá réidh

Fan seo / fágfaidh mé,
Níl críoch / leis an scéal
Leanann sé / ó lá go lá,
Ach tá ‘n oiread sin / fós ‘am le rá

Nuair a ghlacann muid deis,
’S táimid dár measúnú,
Ag amharc orainn féin,
Seo mar a bhéas sé go lu(ath)

Ó feicim é,
Tá tú cosúil liom féin,
Pictiúir á n-ardú,
Gan (do) línte a thrasnú
Go ‘ na smaointí á bplé

Ó feicim é,
Tá tú cosúil liom féin,
Na hamhráin a chas sí
A fhreagraíonn gach ní
Go líonadh anam lae

Delorentos – Gunnaí Ar Bith

Síne — Wed, 18 Apr 2012 17:03:48 +0000

Bhíos fuar, ocras ollmhór, gan aon chosaint (ar) bith os mo chomhair
‘Nois hé a stóirín, an bhfeiceann tú mo chuid, cónaí liom i mo shiopa Sínigh
Tá airgead ann, am maith a(g) druid(im) linn, ‘s le gunnaí ar bith a chuireas tú ag rith
Bhíos cúig, nuair (a) d’fhág tú mé ‘s a chuir mé iomlán ar strae

Ach hé a leaid óig nach é sin an saol, coinnigh tú féin, saor ó gach baol
Athair ag comhairliú dúil don troid, ‘s le gunnaí ar bith a chuireas tú ag rith
Níl aon chinnteacht, ‘s ní bheidh dom riamh, níl cinnteacht ‘s ní bheidh dom riamh
Anáil mo chroí, ‘s am bheith imi(the), níl cinnteacht ‘s ní bheidh dom riamh

Rugadh orm, ‘s mé greamai(the), fágtha tréigthe agus gan srian
Ach hé ‘nois a stóirín, nach é sin an saol, coinnigh tú féin, saor ó gach baol
Nár phósamar, le spraoi agus greann, ‘s le gunnaí ar bith a chuireas tú ag rith
Le gunnaí ar bith a chuireas tú ag rith

The Riptide Movement – Fan Ar Do Shlí

Síne — Wed, 18 Apr 2012 16:59:36 +0000

Bhí orm slán a rá, ‘s tú a scaoileadh saor
Cuma chomh soineanta ‘s áilleacht chomh fíor
Ní fhéadfainn (í a) choimeád, an phian i mo chroí,
Greamai(the) san eas seo, ródhomhain ‘s róthapa le gluais(eacht)…

Fan ar do shlí, aireoidh mé uaim thú ‘nois a chroí
Fan ar do shlí, aireoidh mé uaim thú ‘nois a chroí

Luigh mé faoin spéir, thart ar mheán lae,
Ag machnamh ‘cén fáth go mbím ag machnamh ar strae
Bhíos ag éalú, ag dreapadh sléibht’(í),
Ach an méid ‘tá in ann dúinn ná fanacht ar do shlí

Fan ar do shlí, aireoidh mé uaim thú ‘nois a chroí
Fan ar do shlí, aireoidh mé uaim thú ‘nois a chroí

Ba dhúil liom é a fheiceáil ar fad le do thaobh
Táimid greamai(the) sa sorcas, ag fan(acht) don aiféal(a)
Bhí fir ghrinn sa chaolsráid, guthanna os ár gcionn
Níl fhios a’am ar thuig tú, ‘raibh aon imní agat dom

Fan ar do shlí, aireoidh mé uaim thú ‘nois a chroí
Fan ar do shlí, aireoidh mé uaim thú ‘nois a chroí

‘S aireoidh mé uaim thú, aireoidh mé uaim thú ‘nois a chroí
‘S aireoidh mé uaim thú, aireoidh mé uaim thú ‘nois a chroí

Ná tiontaigh thart, fág súil ar an mbóthar ‘nois a stór
Ná tiontaigh thart, fág súil ar an mbóthar ‘nois a stór

Fan ar do shlí, aireoidh mé uaim thú ‘nois a chroí
Fan ar do shlí, aireoidh mé uaim thú ‘nois a chroí

Táim i ngrá le’d shlí bhinn , tá’n méid sin cruinn
Dhéanfainn rud ar bith duit a chabhródh linn
‘S aireoidh mé uaim thú, aireoidh mé uaim thú ‘nois a chroí
‘S aireoidh mé uaim thú ‘nois a chroí

Eoin Glackin – Haileo Caroline

Síne — Wed, 18 Apr 2012 16:53:40 +0000

‘S an samhraidh tagtha ‘nois go críoch
‘S scanraigh an saol seo díom
Bhí tú in aice cháca an bhreithlae
Is mé fágtha ag croith(eadh) go brách
Ní raibh dathanna do ghruaige
Chomh binn le háilleacht do shúl
Bhíos ag sleamhnú síos led’ thaobh
Ag iarraidh thú a réiteach go séimh

Haileo Caroline
Go híseal ag titim síos
Haileo Caroline
Ag ardú suas aníos

Tá na créatúir ar fad ar bís
Bailithe ar ais arís
Le tuairt ‘s sclog ‘s neart barróg mór
Ach níor thug tú aon sort aird
Giolla a bhean bhreá, tá neart romhat go fóill
Bíodh tusa a’ gníomh(ú) ‘s lean do threo
Casfaidh mé seo ó lár mo chroí
‘s éireoidh mé uaidh go síoraí

Haileo Caroline
Go híseal ag titim síos
Haileo Caroline
Ag ardú suas aníos

Pé áit a théann muid, baili(the) ar fad
Pé áit a théann tú anocht ní bheidh mé i bhfad

‘S an samhraidh tagtha ‘nois go críoch
Shéad sé an gúna sin díot
Ag bogadh go mall uaidh seo go (dtí) sin
Bunoscionn sa gheimhreadh linn
Ní gá stop a chur leis
Tá seans againn (a) bheith ‘tapú deis(e)
Ag damhsa san uisce ar an gcósta saor
‘S ag codladh ‘mach faoin spéir

Haileo Caroline
Go híseal ag titim síos
Haileo Caroline
Ag ardú suas aníos

Bell X1 – Seasamh Fóid

Síne — Wed, 18 Apr 2012 11:47:45 +0000

Is seo a sheasfaidh leat
Séan an bhréag a luaitear leat
Gur faoi / chuing atáimi(d)
Faoi chuing ordui(the)

Chaill sí calmacht an lá úd
Ar strae sna (cros)ribí siúd
Faoi chuing atáimi(d)
Easpa iomlán ordui(the)

Ó chian (a) rinneadh muid
‘Seasamh fód ár gcuid
Ó chian (a) rinneadh muid
‘Seasamh fód ár gcuid

Titim oích(e), am míchuí
Caillte sna droch-chuimhní
‘Mo tharraingt siar
(A)g iarraidh briseadh saor

Iad ag bogadh mall ag siúl
Ag brú dealbh trom chru(a)
Dul amú gan chreideamh fíor
Nó scáth caite síos

Ó chian (a) rinneadh muid
‘Seasamh fód ár gcuid
Ó chian (a) rinneadh muid
‘Seasamh fód ár gcuid

Níl aon ní di,
‘Sí ‘a bogadh inniu, ‘sí ‘a bogadh inniu
Tá ‘sé greamai(the) leis
An crónán ar siúl

Cuireann cos(a) faoin maidin do gach tos(ach)
An seo gach a rinne tú?

Lasrach(a) luais ‘s slí éalai(the)
Caith amach i mbreacadh úr í
‘S beidh an piléar a chaill tú
Lóiste go lu(ath) / i gcroí eile ann

Ó chian (a) rinneadh muid
‘Seasamh fód ár gcuid
(Níl muid á dtógáil mar a bhí
Níl muid in ann do scrúdú am(a))

Senakah – Caidreamh

Síne — Wed, 18 Apr 2012 11:45:58 +0000

Leoithne fionnuar
Diúlann an teocht uaim
Táim im sheasamh go hard d’ainneoin bheith ag crith
Ghabh mé an turas bunúsach chun rath a ghnóthú
Nílim gar don áit ach súil agam go mbeidh rath ar an turas

Mar gheall ortsa ní insím bréag
Tá’s agat nach gcothaíonn sé sin saol coire
Dul chun cinn le saol coiriúil
An t-aon rud atá sásúil anois

Caith chugam do chuid éadaí
Cuirfidh siad fothain ar fáil dom
Maidir le líon na mbréag uait
Níl meas agamsa ar an bhfírinne
Anois agus tú gan snáth ort
Tig liom dul i gcaidreamh leat ar bhord forhalla
Óir níl am agamsa le haghaidh
Caidrimh chóir

Áit chúng anseo gan amhras
Is mian liom pléisiúr a thabhairt
Triailfidh mé é ag cinntiú gan rudaí a shalú

Faoi láthair ní gá ‘sea’ a rá
Gan chomhréiteach de ghnáth bíonn achrann

Cad déarfá le comhrac meánoíche
An t-aon rud atá ceart sa chomhthéacs seo

The Coronas – Meallta Ar Strae

Síne — Wed, 18 Apr 2012 11:43:33 +0000

Beir leat do mhian, nach sciobann siad leo
Scaoil leat an uaill ‘s na geimhle go deo
Soiléiriú dúinn, an stair ag tabhairt leas(a)
Fanta ró-fhada gan spréach ag tabhairt teas(a)
Ag feitheamh ar aon ádh, gach uile lá

Muid meallta ‘s ar strae
Ní fheicimse féin é, ach is ann atá sé
‘S beidh seo faoi mo ré
Dealbhaithe agam, ach cinniúint ann dom
‘Sé sílte trí mo lámh…

Beir leat do chuid, is fág gach sa bhreis
Ná lorg gach ní a thug duit gach deis

Luaigh mé leat cheana go bhfuil sé éagsúil inniu,
Béarfaimid linn ‘s ní bheidh muidne ciúin
Ag feitheamh ar aon ádh, gach uile lá

Muid meallta ‘s ar strae
Ní fheicimse féin é, ach is ann atá sé
‘S beidh seo faoi mo ré
Dealbhaithe agam, ach cinniúint ann dom
Ní hé an fhírinn’ sin atá uaim
Ó fanfaidh sé seo liom, má thugtar seans dom
‘S murar leor an grá seo dúinn
Cad eile a d’fhéadfaí, cad eile a d’fhéadfaí
‘Sé sílte trí mo lámh…

Ag feitheamh ar aon ádh, gach uile lá
Ag feitheamh ar aon ádh, gach uile lá

The Walls – An Tine Bheo sa Chroí

Síne — Wed, 18 Apr 2012 11:41:15 +0000

A’ siúl na mbóithre (leo) gan teach acu gan díon
An tine bheo sa chroí, an tine bheo sa chroíBhíodar bocht ‘s beo ar éigin,
An tine bheo sa chroí, an tine bheo sa chroí

Cos ar bolg – díbeartha siar,
An tine bheo sa chroí, an tine bheo sa chroí
Ag bagairt Chromail, á mbascadh de shíor,
An tine bheo sa chroí, an tine bheo sa chroí

Leath mhilliún a cuireadh glan den saol
Iad siúd a mhair, d’inis siad a scéal

Ar na céadta long thar muir, thar na farraigí
Go Botany Bay, Nua Eabhrach nó Mississippi
Idir leaca gach sráide ag fás aníos
Saol úr – d’fhás fiailí le brí

Éalaigh ón gcathair chun na tuaithe

Ar lastlong tháinig anoir
An tine bheo sa chroí, an tine bheo sa chroí
A glanadh óstáin a bhíonn sí de shíor,
An tine bheo sa chroí, an tine bheo sa chroí

Dúirt sé: “Níl aithne agam ar duine ná deoraí”
An tine bheo sa chroí, an tine bheo sa chroí

Dúirt sí: “Isteach leat a chroí, isteach leat a stór,
Isteach leat a chroí, isteach a stór
Isteach leat a chroí, isteach leat a stór”
Isteach leat a chroí, isteach a stór

Fanfaimid te, ‘s mairfimid beo…
Fanfaimid te, ‘s mairfimid beo…

Róisín O – Muid Ar Chomham

Síne — Wed, 18 Apr 2012 11:33:56 +0000

Féach na píosaí, ‘s na cruth(anna) sin
Feicim an céile do gach tréith cruinn
Ar nós dúcheiste, le dhá thíl,
Dá ndéanfaimis liosta leanfadh sé go síoraí

‘Nós dhá fhiacail sa chlog
Le chéile ag bog(adh)

Ó muid ar chomham, oireann sé dom
Ó muid ar chomham, fanann sé liom

‘Nós iallach(a) na mbróg a’ trasnú
‘Nós míreanna mearaí ag oibriú
Nuair a shuíonn ár lámha in áit
Feicim gach slí go mbíonn muid ag fás

‘Nós dhá fhiacail sa chlog
Le chéile ag bog(adh)

Ó muid ar chomham, oireann sé dom
Ó muid ar chomham, fanann sé liom

Lámh i lámh, mar is gá,
In aon áit ar domhan
Táim ann, táim ann, táim ann

‘Nós dhá fhiacail sa chlog
Le chéile ag bog(adh)

Ó muid ar chomham, oireann sé dom
Ó muid ar chomham, fanann sé liom

‘Nós dhá fhiacail sa chlog
Le chéile ag bog(adh)

Aoife Scott – Coilíneacht

Síne — Wed, 18 Apr 2012 11:18:17 +0000

Canaim amhrán na coilíneachta
Cé mhéad bliain is muid fós faoi smacht
Is tá do mháthair faoi scáth
Is iarrann tú ar Dhia cén fáth
Saint í an scian is muid fós i bpian
Cé mhéad pobal le cúis mhór olagóin
Is tá do leanaí faoi scáth
Iarrann tú ar Dhia cén fáth

Annie a tháinig ó Dhún Luáin thall
Tháinig an eitinn is scrios sí a clann
Borradh mór daonra
Seisear in aon seomra
Ó Shráid Townsend a tháinig Katie bocht
Deichniúr sa leaba is gan bhróg ar a gcos
Tháinig an t-éirí amach
D’imir siad cluiche tírghrách
Freddie a tháinig ó thionóntáin Uí Eachaigh
Brocais mhór lofa líonta lán le francaigh
Ag luí ar leaba fliuch tuí
Ag iarraidh cloí leis an dlí
Thomas a tháinig ó Chill Mheáin i Maigh Eo
Leathmharbh le hocras an t-aon saol a bhí ann dó
I mbothán bídeach breac
Is curtha go Leitir Fraic

Canaim amhrán na coilíneachta
Cé mhéad bliain is muid fós faoi smacht
Is do mháthair faoi scáth
Is iarrann tú ar Dhia cén fáth
Saint í an scian is muid fós i bpian
Cé mhéad pobal le cúis mhór olagóin
Is do leanaí faoi scáth
iarrann tú ar Dhia cén fáth

Breathnaím ó thuaidh
Is breathnaím ó dheas
Siar is aniar agus níl sé ródheas
Arís is arís agus coir i ndiaidh coire
D’éignigh , ghoid, chreach, mharaigh is chuir siad i ndaoirse
Ba é Íosa Críost a nDia
Is rinne siad é ar a shon
Agus air sin a bheadh an locht,
Dá mbeadh olcas ar bun
Le bíobla i lámh amháin
Agus an claíomh sa lámh eile
Tháinig siad leis an ruaig a chur ar mo shinsear a labhair Gaeilge
M’aithreacha, máithreacha is clanna
Lenár gceol ársa féin, ealaín, deasghnátha, dlíthe
Slí mhaireachtála is cultúr
Treibheach i struchtúr
Bhí ardshibhialtacht in Éirinn ann
Nuair a bhí siad féin fós gan chóras gan bhonn

Bhí muid ag fulaingt le dúchasaigh Mheiriceá, Indiaigh na hÁise,
Bundúchasaigh na hAstráile
Muintir na hAfraice lena stair ársa fhíor

Is ár bpáistí ag gol de shíor
Is ár saolta fós chomh saor
Tháinig sibh ón nGearmáin is ón bhFrainc, ón mBeilg is ón Spáinn,
Ón bPortaingéil, ó Shasana
Rinne sibh ar fad an rud céanna
Thóg sibh rudaí nár libhse iad
Chuaigh sibh in aghaidh bhur mbíobla
Bhris sibh bhur gcuid dlíthe
Chun bob a bhualadh ar an bhfreasúra
Ach ar ghabh sibh leithscéal riamh
Do na céadta milliún saol
A scrios sibh le bhur gcuid sceimhle
Nó nár thug sibh riamh faoi deara
Nach raibh náire oraibh choíche
Don mhéid a rinneadh in ainm bhur dtíortha
Agus fiosraigh cé orthu atá an locht
Is an fáth gur chaith sibh linn chomh bocht

Ach múintear daoibh ar scoil inniu
Faoi bhur laethanta glórmhara ag rialú
Gurbh é an chinniúint atá i ndán duitse
A bheith i bhfad níos fearr ná mise
Ach dá mbeadh ciall ar bith i do cheann
Feicfidh tú gur páistí uilig an domhain
Iad gach cine éagsúil an duine
Agus dhéanfadh an fuath atá agat dóibh
Tú a chogaint agus a chaitheamh amach mar sheile -

Ní mharóidh tú riamh ár dtoil don tsaoirse, don tsaoirse,
Ní mharóidh tú riamh ár dtoil don tsaoirse, don tsaoirse,
Ní mharóidh tú riamh ár dtoil don tsaoirse, don tsaoirse,
Is istigh inár gcroíthe atá an freagra