Bhí an-bhliain de cheol againn i mbliana ach seo hiad na cúig cinn is fearr a sheas amach do láithreoir Fuaim Eile, Traic Ó Braonáin.

Bhí an-bhliain de cheol againn i mbliana ach seo hiad na cúig cinn is fearr a sheas amach do láithreoir TRL Ar Éileamh, Cillian de Búrca.

Tá ráfla cloiste againn anseo i bPopNuacht go mbeidh The Hangover III ag teacht chun na pictiúrlainne sár i bhfad! Thug Bradley Cooper, Ed Helms, Zach Galifianakis agus Heather Graham faoin scáileán mór sa chéad scannán sa tsraith i 2009 chun an scéal faoi chóisir na stumpaí de chuid Doug Billing i Las Vegas a chur os comhair an tsaoil. Le tíogar de chuid Mike Tyson, gluaisteán na bpóilíní agus leanbh fánach éigin fágtha leo an mhaidin dár gcionn, ní haon ionadh é gur éirigh chomh maith sin leis an scannán sa phictiúrlann! Scríofa ag Jon Lucas agus Scott Moore, rinne Todd Phillips an chéad shaothar a stiúradh agus lean sé leis an tsraith le scéal faoin Phil, Stu, Alan agus Doug ag dul chun na Téalainne do bhainis Stu sa dara scannán, The Hangover II. Is cosúil go raibh sé i gcónaí i gceist go mbeadh 3 scannán sa tsraith áfach, agus scaoil Bradley Cooper leis an rún le déanaí go bhfuil Philips ag obair ar an tríú script i láthair na huaire, le súil acu tús a chur leis an taifead i mí Mheán Fómhair. Beidh le feiceáil conas mar a éiríonn leis an Wolfpack sa cheann seo!

It seems The Hangover was always planned to be a trilogy and the third part of the Wolfpack escapades should be winging its way to our screens sometime soon!

Ní hamháin go bhfuil gach cosúlacht ann go mbeidh an rapcheoltóir Drake ag dreapadh na gcairteacha lena albam nua Take Care, ach tá a chomhghleacaí ón lipéad ceoil Young Money tar éis dáta eisiúna a halbaim nua féin a fhógairt le déanaí! Thug Nicki Minaj le fios go mbeidh Pink Friday: Roman Reloaded ar fáil sna siopaí ó Lá Fhéile Vailintín na bliana seo chugainn. Bhí sé i gceist aici an scéal a scaipeadh trí sheisiún comhrá Ustream ar chomóradh bliana eisiúint á céad albam, Pink Friday, ach bhí fadhbanna teicniúla aici leis. Ar deireadh, bheartaigh sí díreach an dea-scéal a fhógairt ar Twitter, áit go bhfuil breis agus 7 milliún daoine á leanúint. Tá caint ann freisin go mb’fhéidir go mbeidh amhrán á eisiúint ag Minaj roimh dheireadh na bliana seo fiú! Ní dócha go mbeidh Nicki ag casadh i dteannta amhránaithe eile ar an albam nua seo dá cuid áfach; de réir dealraimh, beidh sí ag díriú ar cheann de na pearsana rapcheoil éagsúla a úsáideann sí dá cuid ceoil, pearsa Roman Zolanski mar shampla. Pé riocht ina dtagann na hamhráin ón mbean iontach chumasach seo áfach, beidh muidne i Raidió Rí-Rá ag tnúth go mór leis!

The current queen of rap has announced that she’ll be releasing her new album called Pink Friday: Roman Reloaded on Valentine’s Day next year. Go da Minja!

Thosaigh sé leis an gcúrsa Lady Gaga and the Sociology of the Fame ag Ollscoil Carolina Theas, ach tá tionchar an phopcheoil leathnaithe go dtí an saol acadúil in Ollscoil Georgetown anois chomh maith! Is féidir le mic léinn le spéis sa rapcheol tabhairt faoi staidéar a dhéanamh ar an gceoltóir Jay Z mar chuid den chúrsa úr The Sociology of Hip-Hop: Jay Z. Seo cúrsa a dhíríonn ar cheol, ar ghnó agus ar rath línte faisin Jay Z agus a thugann deis do scoláirí machnamh a dhéanamh ar cheisteanna féiniúlachta, caipitleachais agus ceoil le chéile. Is é Michael Eric Dyson, údar agus ollamh, atá taobh thiar den togra agus measann sé gur ábhar iontach díospóireachta atá sa rapcheoltóir clúiteach. Tá Dyson i ndiaidh ranganna maidir le Tupac Shakur agus Marvin Gaye a mhúineadh in Ollscoil Pennsylvania roimhe seo, mar sin níl saineolaí níos fearr ná é leis an gcúrsa nua seo a theagasc ar laoch ceoil ár linne!

Like your rap music? Love Jay Z? Think you know your 99 Problems from your Encore? Then head over to Georgetown where you can take an actual university class on Jay Z. For real homie!!

Tá sé cloiste againn anseo i bPopNuacht go mbeidh Damian McGinty le feiceáil ar Glee ar feadh tamaillín eile! Bhuaigh an tÉireannach áit ar an gclár iomráiteach sna sála ar The Glee Project agus tháinig sé chuig an seit ag tús na sraithe seo i bpáirt Rory Flanagan, mac léinn malairte tagtha go McKinley High ó Éirinn. Ní raibh ach 7 gclár i gceist lena ról ar dtús, ach is cosúil go bhfuil muintir Mheiriceá an-tógtha leis an amhránaí óg! Ní fios go fóill go díreach cá fhad go mbeidh an gleoiteog ag fanacht ar an gclár ach tá sé buíoch as gach seans a fhaigheann sé agus deir sé go mbainfidh sé sult as pé líon cláracha a shocraíonn léiritheoirí Glee a thabhairt dó. Is cinnte go mbeidh sé ag fanacht fada a dhóthain chun amhrán a chasadh le seancharachtar ón gclár atá le filleadh ar an scáileán beag roimh Nollaig freisin. Ní scaoilfimid cé atá ann go fóill ach ní féidir linne i Raidió Rí-Rá fanacht leis an díséad sin a fheiceáil!

Damian McGinty’s Rory Flanagan character aka the little Irish leprechaun has made quite an impression on the folks making Glee and he’ll be doing more than the originally planned 7 episodes!